Oğuzda 4,3 Maqnitudalı Zəlzələ qeydə alınıb
Oğuz rayonunda saat 11:03-də 4,3 maqnitudalı zəlzələ baş verdi. Qısa davam edən təkanlar sakinlər arasında narahatlıq yaratdı.
Bu gün Oğuz rayonunda yerli vaxtla saat 11:03-də 4,3 maqnitudalı zəlzələ qeydə alınıb. Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin məlumatına görə, yeraltı təkanların episentri Oğuz rayonu ərazisində yerləşib, dərinliyi isə təxminən 10 kilometr olub.
Zəlzələ qısa müddətli olsa da, rayon mərkəzində və ətraf kəndlərdə hiss edilib. Hadisə nəticəsində xəsarət alan və ya ciddi maddi ziyan barədə hələlik rəsmi məlumat yoxdur.
Mütəxəssislər sakinləri təmkinli olmağa və ehtiyat tədbirlərinə əməl etməyə çağırır.
