Oğuz Rayon İcra başçısı Dəymədərə kəndində sakinlərlə səyyar görüş keçirdi

Oğuz rayonunun Dəymədərə kəndində keçirilən görüşdə yerli sakinlər ölkəmizin ərazi bütövlüyünün bərpası, bölgələrin sürətli inkişafı və əhalinin sosial rifahının yüksəldilməsi istiqamətində görülən genişmiqyaslı işlərə görə Prezident cənab İlham Əliyevə və Birinci vitse-prezident Mehriban Əliyevaya təşəkkürlərini bildiriblər.

Görüş zamanı sakinlər kənddə SİP kabellərlə elektrik xətlərinin yenilənməsi, torpaq sahələrinin təyinatının dəyişdirilməsi, səhiyyə xidmətlərinin yaxşılaşdırılması və maddi təminat məsələləri ilə bağlı öz müraciətlərini səsləndiriblər.

Qaldırılan hər bir məsələ diqqətlə dinlənilib və onların həlli istiqamətində müvafiq qurumlara tapşırıqlar verilib.

Oguzda.az olaraq, belə görüşlərin davamlı şəkildə keçirilməsi və sakinlərin problemlərinin birbaşa dinlənilməsi prosesini yüksək qiymətləndiririk.

Sizcə Oğuz rayonunda hansı sahələrdə daha çox inkişaf işləri görülməlidir? Fikirlərinizi bizimlə bölüşün!